Արխիվ | "Նարեկացի" կատեգորիա

Մեր 4-րդ տարեդարձը

4th Birthday

Փետրվարի 10-ին` Բուն Բարեկենդանի օրը, «Մուսալեռ» հայրենակցական միության երիտասարդական թևը «Նարեկացի» արվեստի միությունում նշեց իր չորրորդ տարեդարձը: Միջոցառմանը ներկա էին 60-ից ավել երիտասարդ մուսալեռցիներ և հյուրեր:

Տոնական երեկոն մեկնարկեց երիտասարդական թևի հիմնադիր և նախկին խորհրդական Գաբրիել Փանոսյանի կողմից: Նա շնորհավորեց երիտասարդական թևին տարեդարձի կապակցությամբ և հիշեցրեց, որ չորս տարի առաջ երիտասարդ մուսալեռցիների առաջին հավաքը տեղի ունեցավ հենց «Նարեկացի» արվեստի միությունում: Նշելով «Նարեկացիի» դերն ու նշանակությունը «Մուսալեռ» հայրենակցական միության երիտասարդական թևի զարգացման և գործունեություն ծավալելու հարցերում` Գաբրիել Փանոսյանը խորին շնորհակալություն հայտնեց «Նարեկացի» արվեստի միության տնօրեն Նարեկ Հարությունյանին:

Երեկոյին ներկա էր նաև Հայ եկեղեցու համաշխարհային երիտասարդական կազմակերպության հոգևոր պատասխանատու Եղիշե Վարդապետ Ավետիսյանը: Նա օրհնեց երիտասարդներին, հայրենակցական միությունը, «Նարեկացի» արվեստի միությունը, հետո ներկայացրեց Բարեկենդանի տոնի խորհուրդը:

4th Birthday

Նարեկ Հարությունյանը նույնպես շնորհավորեց մուսալեռցիներին և խորհրդանշական հուշանվեր նվիրեց «Մուսալեռ» հայրենակցական միության երիտասարդական թևին:
- Շատ կարևոր է միասնական լինելը: Մարդը մարդով է ամբողջանում` իրար թիկունք կանգնելով: Ուրախ եմ որ մեզ հետ եք, 4 չէ… թող որ 4000 տարի շարուանկվի մեր հոգևոր կապը,- իր խոսքում ասաց «Նարեկացի» արվեստի միության հիմնադիր տնօրեն Նարեկ Հարությունյանը:

Երիտասարդական թևի անունից իր շնորհակալական խոսքը ասաց նախկին վարչական Արամ Շարբաթյանը:

Երիտասարդ մուսալեռցիների հետ էր նաև «Կարին» ազգագարական երգի-պարի համույթը` Գագիկ Գինոսյանի ղեկավարությամբ, ով երիտասարդներին սովորեցրեց ազգային պարերից մի քանիսը:
Ելույթ ունեցավ նաև սիրիահայ երաժիշտ Սագո Ադամյանը:

4th Birthday4th Birthday
բոլոր նկարները…

Մեկնաբանություններ չկան

Ամանորյա միջոցառում և Ազգային պար

Azgayin Par

Երիտասարդ մուսալեռցիների նորամուտ տարվա առաջին միջոցառումը տեղի ունեցավ հունվարի 9-ին «Նարեկացի» արվեստի միությունում: Ներկա էին շուրջ 50 երիտասարդներ և հյուրեր: Երիտասարդական թևի ատենապետ Աբրահամ Բալաբանյանը ներկաներին ողջույնի ու շնորհավորանքի խոսք ուղղեց, ապա ամփոփեց անցած տարին: Միջոցառումը շարունակվեց տեսանյութի դիտումով, որը ներկայացնում էր «Մուսալեռ» հայրենակցական միության երիտասարդական թևի երկու տարվա գործունեությունը:
Երիտասարդական թևի խորհրդական Գաբրիել Փանոսյանը ողջունեց ու ներկայացրեց հյուրերին` Մադլեն և Սերոբ Տեր-Պողոսյաններին և «Կարին» ազգագրական պարերի համույթի ղեկավար Գագիկ Գինոսյանին: Ապա բոլորը պատրաստվեցին սովորելու Հայոց Ազգային պարը:

Tesanyuti DitumMusalertsiner

Գագիկ Գինոսյանը նախ խոսեց Ազգային պարին ճիշտ տիրապետելու կարևորության մասին, և նոր միայն սկսվեց պարերի ուսուցանումը: Ամեն պար սովորելուց առաջ նա պատկերավոր կերպով ներկայացրեց տվյալ պարի խորհուրդը, շարժումների իմաստը, բնույթը և անվանման ծագումը` էլ ավելի մեծացնելով երիտասարդների հետաքրքրությունը դեպի պարը: Ներկաները շարժում առ շարժում լիարժեք սովորեցին երկու պար:
Վերջում մուսալեռցիները պարեցին Մուսա լեռան ավանդական «Դաբկե» պարը և պայմանավորվեցին Գագիկ Գինոսյանի հետ այս մեկ տարվա ընթացքում պարերի վերածել բոլոր հայտնի Մուսա լեռան երգերը:
Ազգային պարի Մեծ վարպետը` լինելով նաև Մեծ հայրենասեր, քաջալերեց մուսալեռցի երիտասարդներին ու հորդորեց շարունակել բռնած ճիշտ ուղին:

Օրվա վերջում բոլորը բարձրացրին բաժակները և միմյանց շնորհավորեցին Նոր Տարվա և Սուրբ Ծննդյան տոների առթիվ:

Sovorum enq ParelMusalertsinery ev Gagik Ginosyany
բոլոր նկարները…

Մեկնաբանություններ չկան

Լուսանկարների ցուցահանդես: Ֆիլմի դիտում

Սեպտեմբերի 16-ին «Նարեկացի» արվեստի միությունում Մուսալեռան հերոսամարտի 95-ամյակի առթիվ տեղի ունեցավ լուսանկարների ցուցահանդեսի բացում` «Մուսա լեռան և Այնջարի հին ու նոր լուսանկարներ» խորագրով: Ներկայացված էին շուրջ 150 լուսանկարներ` 1915-2010թթ. բոլոր ժամանակաշրջաններով: Լուսանկարներում պատկերված են 1915թ. Ֆրանսիական նավերով մուսալեռցիների փրկությունը, ֆրանսիական վեց նավերը, 1915-1919թթ. Պորտ Սաիդի վրանաքաղաքից տեսարաններ, 1919-1939թթ. Մուսա լեռան և նրա վեց գյուղերի դրվագներ, 1939թ. Պասիթը և արտագաղթը, 1939-2010թթ. Այնջարը և ներկայիս Մուսա լեռը:

Musaler & AnjarTsutsahandes

Լուսանկարների մեծ մասը` բացառությամբ Մուսա լեռան և Այնջարի այսօրվա լուսանկարների, բերված են Այնջարից, որտեղ նույնպես կայացել էր նմանատիպ ցուցահանդես: Լուսանկարների հեղինակներն են մուսալեռագետ Վահրամ Շեմեսյանը և Լևոն Թաշչյանը:
Ձեռնարկին ներկա էին «Մուսալեռ» հայրենակցական միության վարչությունը, երիտասարդական թևի անդամները, Վագֆից ժամանած մուսալեռցիներ և այլոք:

Abraham BalabanyanNarekatsi Arvesti Miutyun

Միջոցառման բացումը կատարեց «Մուսալեռ» հայրենակցական միության երիտասարդական թևի ատենապետ Աբրահամ Բալաբանյանը: Իր խոսքում նա ներկայացրեց ցուցահանդեսը և շնորհակալություն հայտնեց Այնջարի «Կարմիր լեռ» կոմիտեությանը, Վահրամ Շեմեսյանին, Լևոն Թաշչյանին, Գաբրիել Փանոսյանին և «Նարեկացի» արվեստի միությանը ցուցահանդեսի կայացման համար, ինչպես նաև պատմեց դեպի Մուսա լեռ կատարված ուխտագնացության մասին:

Perch GhazaryanHakob Hergelyan

Ապա խոսեց «Մուսալեռ» հայրենակցական միության նախագահ Պերճ Ղազարյանը: Նա ներկայացրեց Ստամբուլի «Մուսալեռ» հայրենակցական միությունը և խոսքը փոխանցեց Հակոբ Հերգելյանին: Վագֆցիների անունից նա ողջույնի խոսք ասաց ներկաներին, որից հետո բոլորը ունկնդրեցին Այնջար-70 երգը` էկրանին տեսնելով Այնջարի լուսանկարներ` հիմնադրումից 70 տարի անց: Երգը ուղեկցվեց պարով:

Lusankarneri tsutsahandesLusankarneri tsutsadrutyun

Տեսանյութի ավարտից հետո ներկաները մեծ հետաքրքրությամբ դիտեցին ցուցադրված լուսանկարները:
Օրվա վերջում ցուցադրվեց «Մուսա լեռան 40 օրը» ֆիմը հայերեն թարգմանությամբ` նկարահանված Ֆրանց Վերֆելի համանուն վեպի հիման վրա:

Musa leran 40 oryFilmi ditum

Ձեռնարկի հեղինակը «Մուսալեռ» հայրենակցական միության երիտասարդական թևն էր:
Ցուցահանդեսը կշարունակվի մինչև տոնակատարությունների ավարտը` սեպտեմբերի 19:

Օրվա միջոցառման մասին գրել են PANORAMA.AM, A1PLUS.AM, ARMENPRESS.AM, ASBAREZ.COM, NAREGATSI.ORG վեբ-կայքերը:

1 Մեկնաբանություն

Մուսալեռցիները հարգանքի տուրք են մատուցում իրենց փրկարար նավապետին: Զրույց Թովմաս Այնթաբյանի հետ

Navapeti gerezmani dimac

2010թ. մայիսի 5-ին Ֆրնասիայի Դորդոն շրջանի Սան Շամասի գյուղում տեղի ունեցավ նավապետ Լուի Դարթիջ դե Ֆուրնեին նվիրված միջոցառում: Այն հատկանշական էր տապանաքարի տեղադրումով, որը պատրաստել էր մուսալեռցի քանդակագործ Աղասին (Պողոս Թասլաքյանը): Նավապետի գերեզմանը և տունը վերջերս գտել էր Թովմաս Այնթաբյանը:

Թովմաս Այնթաբյանի խոսքը միջոցառման վերաբերյալ.

«Միջոցառումը կազմակերպվեց մի խումբ մուսալեռցիների և Սան Շամասի գյուղապետարանի ու Դորդոն շրջանի շրջանային խորհրդի կողմից: Նախաձեռնողը իհարկե մուսալեռցիներն էին, որոնք իրենց հարգանքի տուրքն էին մատուցում Մուսա Լեռան ժողովրդի ազատարար նավապետ Լուի Դարթիջ դե Ֆուրնեի հիշատակին:
Դարթիջ դե Ֆուրնեն 1940թ. թաղվել է Սան Շամասի գյուղում: 1920-1940թթ. ապրել Սան Շամասիից ոչ հեռու, որտեղ գրել է իր կյանքի գլխավոր հուշերը: Չնայած իր գերեզմանը բավական լավ պատրաստված է եղել, բայց նա մոռացության է մատնված եղել պաշտոնանկ լինելուց հետո: Իր գործունեության ընթացքում կատարել է բազում սխրագործություններ, այդ թվում Մուսալեռցիների ազատագրումը: Պորտ Սաիդում մուսալեռցիներից կազմվել էր լեգիոնական ջոկատ, որը մասնակցում էր պատերազմին` ի օգուտ Ֆրնասիայի: Դա մուսալեռցիների կողմից պատասխան էր Ֆրանսիական նավատորմին` կատարած լավության դիմաց:
Մուսալեռցիները միշտ հիշել են Դարթիջ դե Ֆուրնեին և երրորդ նավատորմին: Սակայն Ֆրանսիայում նա մոռացության էր մատնված, և նույնիսկ Սան Շամասիի գյուղապետը տեղյակ չէր թե ինչ մեծություն է թաղված իր գյուղում: Ես ուզեցի վերականգնել նավապետի հիշատակը Ֆրանսիայում:
Hogevor ergerHnchum e haykakan duduky
«Նարեկացի» ժողովրդական նվագարանների համույթը շրջագայության էր մեկնել Եվրոպա, և դա լավ առիթ էր, որ խումբը հասնի Սան Շամասի և նավապետի շիրմի վրա հոգևոր երգեր երգի, հնչի հայկական դուդուկը: Գյուղապետը և շրջանի խորհուրդը տեղեկանալով այս ծրագրի մասին, որոշեցին ավելի մեծացնել միջոցառումը: Միջոցառման որոշ մասը կազմակերպեցին իրենք` կատարեցին հյուրասիրություն, կացարան տվեցին համույթի երեխաներին:
Huashaqary teghadrvec gerezmanumԶարմանալին այն էր, որ շատ էին ոգևորված ֆրանսիական լրատվամիջոցները: Այս լուրը լուսաբանվեց Ֆրանսիայի գրեթե բոլոլր հեռուսաալիքներով ու թերթերով: Բոլորը ցանկանում էին իմանալ մանրամասներ նավապետի կյանքի մասին: Այս ամենը մեծ ազդեցություն գործեց Ֆրանսիայի ժողովրդի վրա, և այժմ Սան Շամասին դարձել է նրանց համար ուխտագնացության վայր: Առաջ որևէ նյութ հնարավոր չէր գտնել Դարթիջ դե Ֆուրնեի մասին, իսկ այժմ բազում տեսանյութեր ու գրություններ կան նավապետի մասին, որոնք հասանելի են բոլորին:
Այդ օրը միջոցառմանը ներկա էին նահանգապետը` նախկին նավապետ, շրջանային խորհուրդը իր ղեկավարով, Ֆրանսիայի գյուղական խորհուրդների նախագահը` ծագումով հայ Վանիկ Բերբերյանը, և այլ պետական անձիք: Եղանակային պայմանները խիստ էին. անձրևոտ ու ցուրտ եղանակ էր, սակայն երկինքը շուտով պայծառացավ:
Օրվա գլխավոր իրադարձությունը հուշաքարի տեղադրումն էր գերեզմանի վրա: Մարմարե հուշաքարը իրենից ներկայացնում է ծալված սավան` վրան կարմիր խաչ, նույն սավանը, որը տեսնելով լեռան վրա, Ֆրանսիական նավերը մոտեցան ափին: Այդ սավանը մինչ այսօր մեծ գուրգուրանքով պահվում է Այնջարի Մուսալեռան թանգարանում: Մարմարի վրա նույն տեսքով ծալված վիճակում քանդակել է Աղասին:
Hushaqary orhnvum eHushaqary ev tsutsanaky Anjari Musaleran hushardzani dimats
Այս միջոցառումից երեք օր առաջ Այնջարի եկեղեցում հատուկ հոգեհանգստի արարողություն կատարվեց Դարթիջ դե Ֆուրնեի հիշատակին, մարմարյա խաչը օրհնվեց գյուղի երեք համայնքապետերի կողմից: Օրհնությամբ և ժողովրդի համբույրներով մուսալեռցիները իրենց ոգին դրոշմեցին քարի վրա և ուղարկեցին Ֆրանսիա: Այժմ Ֆրանսիայում չեն դադարում այցելությունները Դարթիջ դե Ֆուրնեի գերեզմանին:
Aghasin ev skautneryTsutsanaky
Քարի հետ մեկտեղ տեղադրվեց մի ցուցանակ, որի վրա գրված է, որ Մուսա Լեռան ժողովուրդը հերոսական պայքարից հետո ազատագրվել է Ֆրանսիացի ծովակալ Լուի Դարթիջ դե ֆուրնեի կողմից: Իսկ ներքևում հայատառ գրվել է ` Ծովակալ Դարթիջ դե Ֆուրնեի հիշատակին:
Hamuyt
Այնջարում և Սան Շամասիում կատարված արարողությունները միատեղելով, կարող ենք ասել, որ մուսալեռցիները իրենց երախտագիտության տուրքը մատուցեցին: Այս երթը պետք է շարունակել: Նման ձևով ավելի կսերտանան հայ-ֆրանսիական հարաբերությունները: Սան Շամասիի գյուղապետը ցանկություն հայտնեց, որ Սան Շամասին և Մուսալեռ ավանը դառնան քույր գյուղեր:
Միջոցառումը եզրափակվեց եկեղեցում «Նարեկացի» ժողովրդական նվագարանների համույթի համերգով:»
Tapanaqar
բոլոր նկարները…

1 Մեկնաբանություն

Սբ. Զատիկ

Սուրբ Զատիկին հաջորդող կիրակի օրը` ապրիլի 11-ին «Մուսալեռ» հայրենակցական միության երիտասարդական թևի անդամները «Նարեկացի» արվեստի միությունում նշեցին Սբ. Զատիկը:

Zruyts

Միջոցառման սկզբում Գաբրիել Փանոսյանն ու Աբրահամ Բալաբանյանը բոլորին տեղեկացրին մոտակա ծրագրերի մասին. խոսվեց մայիսի վերջին պատրաստվող երկրորդ ընդհանուր ժողովի մասին, առաջարկվեց արդի թեմաներով մոտ ապագայում քննարկումներ անցակցնել, որը բոլորը ողջունեցին, և պայմանավորվեցին ապրիլի 24-ին Ծիծեռնակաբերդում պսակադրություն կազմակերպել:

Zatkva nerkvats havkitner

Ապա բոլորը մոտեցան սեղանին ու միմյանց շնորհավորեցին Սբ. Զատիկի տոնը ու ըստ սովորության կռվեցրին հավկիթները: Ներկա մուսալեռցիները «Նարեկացի» ժողովրդական նվագարանների համույթի աղջիկների հետ միասին երգեցին շատ երգեր:

Միջեցառումը եզրափակվեց ուրախ պարերով:

Shnorhavor Sb. Zatik
Khmbakayin nkar

բոլոր նկարները…

1 Մեկնաբանություն