Արխիվ | "Մուսալեռ" կատեգորիա

Լուսանկարների ցուցահանդես: Ֆիլմի դիտում

Սեպտեմբերի 16-ին «Նարեկացի» արվեստի միությունում Մուսալեռան հերոսամարտի 95-ամյակի առթիվ տեղի ունեցավ լուսանկարների ցուցահանդեսի բացում` «Մուսա լեռան և Այնջարի հին ու նոր լուսանկարներ» խորագրով: Ներկայացված էին շուրջ 150 լուսանկարներ` 1915-2010թթ. բոլոր ժամանակաշրջաններով: Լուսանկարներում պատկերված են 1915թ. Ֆրանսիական նավերով մուսալեռցիների փրկությունը, ֆրանսիական վեց նավերը, 1915-1919թթ. Պորտ Սաիդի վրանաքաղաքից տեսարաններ, 1919-1939թթ. Մուսա լեռան և նրա վեց գյուղերի դրվագներ, 1939թ. Պասիթը և արտագաղթը, 1939-2010թթ. Այնջարը և ներկայիս Մուսա լեռը:

Musaler & AnjarTsutsahandes

Լուսանկարների մեծ մասը` բացառությամբ Մուսա լեռան և Այնջարի այսօրվա լուսանկարների, բերված են Այնջարից, որտեղ նույնպես կայացել էր նմանատիպ ցուցահանդես: Լուսանկարների հեղինակներն են մուսալեռագետ Վահրամ Շեմեսյանը և Լևոն Թաշչյանը:
Ձեռնարկին ներկա էին «Մուսալեռ» հայրենակցական միության վարչությունը, երիտասարդական թևի անդամները, Վագֆից ժամանած մուսալեռցիներ և այլոք:

Abraham BalabanyanNarekatsi Arvesti Miutyun

Միջոցառման բացումը կատարեց «Մուսալեռ» հայրենակցական միության երիտասարդական թևի ատենապետ Աբրահամ Բալաբանյանը: Իր խոսքում նա ներկայացրեց ցուցահանդեսը և շնորհակալություն հայտնեց Այնջարի «Կարմիր լեռ» կոմիտեությանը, Վահրամ Շեմեսյանին, Լևոն Թաշչյանին, Գաբրիել Փանոսյանին և «Նարեկացի» արվեստի միությանը ցուցահանդեսի կայացման համար, ինչպես նաև պատմեց դեպի Մուսա լեռ կատարված ուխտագնացության մասին:

Perch GhazaryanHakob Hergelyan

Ապա խոսեց «Մուսալեռ» հայրենակցական միության նախագահ Պերճ Ղազարյանը: Նա ներկայացրեց Ստամբուլի «Մուսալեռ» հայրենակցական միությունը և խոսքը փոխանցեց Հակոբ Հերգելյանին: Վագֆցիների անունից նա ողջույնի խոսք ասաց ներկաներին, որից հետո բոլորը ունկնդրեցին Այնջար-70 երգը` էկրանին տեսնելով Այնջարի լուսանկարներ` հիմնադրումից 70 տարի անց: Երգը ուղեկցվեց պարով:

Lusankarneri tsutsahandesLusankarneri tsutsadrutyun

Տեսանյութի ավարտից հետո ներկաները մեծ հետաքրքրությամբ դիտեցին ցուցադրված լուսանկարները:
Օրվա վերջում ցուցադրվեց «Մուսա լեռան 40 օրը» ֆիմը հայերեն թարգմանությամբ` նկարահանված Ֆրանց Վերֆելի համանուն վեպի հիման վրա:

Musa leran 40 oryFilmi ditum

Ձեռնարկի հեղինակը «Մուսալեռ» հայրենակցական միության երիտասարդական թևն էր:
Ցուցահանդեսը կշարունակվի մինչև տոնակատարությունների ավարտը` սեպտեմբերի 19:

Օրվա միջոցառման մասին գրել են PANORAMA.AM, A1PLUS.AM, ARMENPRESS.AM, ASBAREZ.COM, NAREGATSI.ORG վեբ-կայքերը:

1 Մեկնաբանություն

Ուխտագնացություն դեպի Մուսա լեռ և Քեսապ

Erkar chanaparhits araj aghotq AnjarumChanaparhin

Օգոստոսի 13-ին, կեսգիշերին Այնջարից սկսվեց ուխտագնացություն դեպի Մուսա լեռան պատմական վեց գյուղեր և Քեսապ: Բարեմաղթանքներ և օրհնություն ստանալուց հետո շուրջ 150 մուսալեռցիներ երեք մեծ ավտոբուսներով ճանապարհ ընկան:

Կտրել անցնելով Սիրիայի ողջ տարածքը` 15 ժամվա երկար ու հոգնեցուցիչ ճանապահից հետո ուխտավորները հասան Մուսա լեռ` Քեբուսյեի ծովեզերք, որտեղ ճաշեցին ու հանգստացան մուսալեռցու պատկանող հյուրանոցում:

HyuranotsyTsovezerqy

Նույն օրը երեկոյան ուխտավորներն այցելեցին Վագֆ գյուղ, Թուրքիայի միակ հայկական գյուղը, որտեղ մինչ այսօր ապրում են մուսալեռցիներ: Գյուղում ճաշակեցին Վագֆցիների պատրաստած համեղ ուտեստները և մինչև ուշ գիշեր զվարճացան Մուսալեռան թմբուկի ու զուռնայի երաժշտության ներքո:

Musaleran tmbukn u zurnanGishery Vagfum

Հաջորդ օրը առավոտյան սկսվեց շրջագայությունը Մուսալեռան պատմական գյուղերով: Առաջին գյուղը Խդրբեկն էր, որի սառնորակ ջուրը խմելուց հետո, պատմական սոսիի դիմաց բոլորը շրջան կազմեցին և պարեցին ավանդական “տապկե” պարը: Հենց այս սոսիի դիմաց էլ առաջին անգամ երգվեց «Այնջար-70» երգը: Ուխտավորները, սոսիի դիմաց խմբակային լուսանկարից հետո, սկսեցին շրջել գյուղով:

HederbekUkhtavornery
"Tapke" parelisUkhtavornery ev Hederbeki patmakan sosin

Խդրբեկից բոլորը ուղևորվեցին դեպի Յողնուլուխ գյուղ: Գյուղով շրջելուց հետո մուսալեռցիները հավաքվեցին Առաքելական կիսաքանդ եկեղեցում, որը այժմ վերածվել է մզկիթի: Տեր Հայրը, որ կնքվել էր այդ եկեղեցում, հուզիչ պատմություններ պատմեց, ապա միասին երգեցին “Հայր Մեր”-ը:

YoghnolukhTner Yoghnolukhum
Yoghnolukhi Arakelakan ekeghetsinYoghnolukhi Arakelakan ekeghetsum

Հաջորդ գյուղը Հաջի-Հաբաբլին էր: Ամբողջ գյուղը շրջելուց հետո ուխտավորները շարժվեցին Բիթիաս, որը ամենից մոտն է գտնվում Մուսա լեռանը:

HajihabibliTun Hajihabiblium

Մուսալեռցիները վայելեցին Բիթիասի անմահական աղբյուրի ջուրը, շրջեցին գյուղով, տեսան մզկիթի վերածված Ավետերանական եկեղեցին, բակում գտնվող պատմական սոսին, ապա այցելեին դեռևս կանգուն Առաքելական եկեղեցի: Այս եկեղեցին կիսակառույց է, գմբեթը բացակայում էր: Եկեղեցում միասին երգեցին “Տեր Ողորմյա”-ն:

BitiasBitiasi aghbyury
Bitiasi Arakelakan ekeghetsinBitiasi Arakelakan Ekeghetsu nersum
Bitiasi mzkiti veratsvats Boghoqakanneri ekeghetsinBitiasi sosin

Վերջում մուսալեռցիները գնացին տեսնելու Բիթիասի հայտնի կամուրջը, ապա լվացվեցին գետում:

Bitiasi kamurji vraBitiasi kamurjy

Բիթիաս գյուղից ուխտը շարունակվեց դեպի Քեբուսյե: Քեբուսյեում ուխտավորները շրջեցին գյուղի փողոցներով և բարձրացան Սբ. Սարգսի աստիճաններով դեպի բարձր ժայռը, որտեղ աղոթեցին:

QebusieSb. Sargsi astichannery

Այս շրջագայության ընթացքում շատերը գտան իրենց պապենական տները, շատերն էլ` ոչ, քանդված էին: Ամեն գյուղ մտնելուց առաջ խոսվում էր այդ գյուղի պատմության և մարդկանց մասին: Ողջ ուղևորությունը անցավ հուզիչ մթնոլորտում:

Վերջին գյուղը Վագֆն էր, որտեղ արդեն հավաքվել էին բազում մուսալեռցիներ, հնչում էր թմբուկի ձայնը, և կաթսաներում եփվում էր հարիսան: Վագֆում ելույթ ունեցան և գյուղին նվիրատվություններ կատարեցին շատ մուսալեռցիներ: Մինչև ուշ գիշեր տևած երգ ու պարից հետո, ուխտավորները վերադարձան ծովեզերք, հյուրանոցներ:

Ukhtavornery VagfumVagfi ekeghetsin
Patarag VagfumVagfi harisan

Հաջորդ օրը առավոտյան Վագֆի եկեղեցում բոլորը ներկա գտնվեցին պատարագին, հարիսայի օրհնությանը, ճաշակեցին մատաղը` համեղ հարիսան և հրաժեշտ տվեցին Մուսա լեռին: Ավտոբուսները ուղևորվեցին դեպի Քեսապ, Սիրիա: Քեսապում մուսալեռցիները իջևանեցին ազգությամբ հայի պատկանող հյուրանոցում, մինչ ուշ երեկո մասնակցեցին խնջույքին և զվարճացան: Կեսգիշերին ոմանք այցելեցին հարիսայատուն, որտեղ արդեն եփվում էր հարիսան, իսկ մեծ սոսիի դիմաց նվագում էր թմբուկը, և պար էին բռնել քեսապցիները: Հաջորդ առավոտյան ուխտավորները մասնակցեցին Քեսապի եկեղեցում պատարագին, ճաշակեցին հարիսան:

Qesabi hyuranotsumShurjpar
Orhnvum e harisanQesabi ekeghetsin

Ուխտագնացությունն այսքանով ավարտվեց: Կեսօրին ավտոբուսները շարժվեցին: Ուշ երեկոյան ուխտվորները մեծ տպավորություններով բարեհաջող հասան Այնջար:

բոլոր նկարները…

1 Մեկնաբանություն

Մուսալեռան հերոսամարտի 94-րդ տարելիցը

Սեպտեմբերի 20-ին մեծ շուքով և ոգևորությամբ նշվեց Մուսալեռան հաղթական հերոսամարտի 94-րդ տարելիցը:

Դեռ նախորդ օրվանից նվագում էին զուռնան ու դհոլը:

Zurna-Dhol

Musaleran hushardzany

Ավանդական դարձած հարիսան որպես մատաղ ժողովրդին բաժանելու պարտականությունը ստանձնեցին <<Մուսալեռ>> հայրենակցական միության երիտասարդական թևի անդամները:

Eritasard musalertsiner

Harisan tuperi mej ltsnelis

Harisan patrastoghnery

Harisa bajanelis

Տոնակատարությանը ներկա էին տարբեր երաժշտական խմբեր, որոնք հուշարձանի դիմաց ներկայացան իրենց երգով ու պարով:

erg u parerg u par

Ժամը 11.00-ին սկսվեց միջոցառման պաշտոնական մասը: Պատվանդանից հանդիսավոր բացման խոսքը հնչեցրեց երիտասարդական թևի վարչության անդամ Սոսի Ղազարյանը: Այնուհետև իր խոսքն ասաց հայրենակցական միության նախագահ Պերճ Ղազարյանը և խնդրեց բոլորին մեկ րոպե լռությամբ հարգել Մուսալեռան հերոսների հիշատակը: Ապա հնչեց ՀՀ օրհներգը: Տոնակատարությանը ներկա էին բազմաթիվ հյուրեր, որոնք նույնպես ելույթ ունեցան:

Sosin batsman khosq e asumPashtonakan mas

Այս ամբողջ ընթացքում երիտասարդները մոտ 80 կաթսաներից հարիսան տեղափոխեցին տուփերի մեջ: Պաշտոնական մասի ավարտից հետո բոլորը զուռնա-դհոլի ուղեկցությամբ եկան հարիսայատուն: Սրբազանը օրհնեց հարիսան, որից հետո ողջ մատաղը բաժանվեց ժողովրդին:

Harisayi katsaneryHarisayi tupery

Srbazany orhnum e harisanMataghy joghovrdin bajanelis

Վերջում` հարիսան ուտելուց և երգ ու պարից հետո, միջոցառումը եզրափակվեց:

բոլոր նկարները…

4 Մեկնաբանություն

Շաբաթօրյակ Մուսալեռում

Սեպտեմբերի 6-ին ժամը 10.00-ին Մուսալեռան հուշաձանի տարածքում տեղի ունեցավ շաբաթօրյակ: Աշխատանքներին մասնակցում էին հայրենակցական միության և երիտասարդական թևի մոտ 40 անդամներ:
Ներկվեց զրուցարանը, վերանորոգվեց հարիսայի տարածքը, փխրեցվեց ծառերի հողը և ջրվեց հուշարձանի ողջ տարածքը:

nstarannery nerkelis

Zrutsarany nerkelis

shabatoriakshabatoryak

shabatoryakveranorogum

Աշխատանքն ավարտվելուց հետո գցվեց սեղան և սկսվեց երգ ու պարը: Իսկ վերջում, այդ օրը ավելի հիշարժան դարձրեցինք խմբակային լուսանկարով:

Ov ashkhati na kutiashkhatanqits heto khmbakayin nkar



բոլոր նկարները…

3 Մեկնաբանություն