Արխիվ | "Մուսալեռ գյուղ" կատեգորիա

Ծառատունկ Մուսալեռում

Երեք սոսի  ու երեք հարյուր ընկուզենի տնկվեց Մուսալեռան հուշահամալիրի շրջակայքում

Մարտի քսանի մռայլ ու քամոտ եղանակը չխանգարեց Մուսալեռ Հայրենակցական Միության երիտասարդական թևի  անդամներին միանալ  Հայաստան Ծառատունկ  Ծրագրին (պաշտոնական անվանումը «Էյ Թի Փի» բարեգործական հիմնադրամ)  և 300 ընկուզենի ու երեք սոսի տնկել Մուսալեռ  հուշահամալիրի  շրջակայքում:

Ծառատունկ Մուսալեռում

<<Armenia tree project>>-ի տնօրեն Լուսինե Քասարջյանը Մուսալեռ հայրենակցական միության երիտասարդական թևի երիտասարդներին առաջարկեց միանալ իրենց ու ծառատունկ իրականացնել Մուսալեռ հուշահամալիրի շրջակայքում : Երիտասարդները համաձայնվեցին միայն մեկ պայմանով ընկուզենիներից բացի պետք է  տնկվի նաև սոսի, քանի  որ այն համարվում է Մուսալեռան ավանդական ծառը և ըստ ավանդույթի  մուսալեռցին մի տեղից մյուսը գնալիս իր հետ անպայման վերցնում է սոսու տնկի ու հարիսայի կաթսա:

Ծառատունկը լինելով Մուսալեռ Հայրենակցական Միության երիտասարդական թևի 2016 թվականի  առաջին ձեռնարկը`  մեծ նշանակություն ուներ վարչության ու  անդամների համար: Հատկանշական էր նաև այն, որ  առաջին ձեռնարկը տեղի ունեցավ Մուսալեռ հուշահամալիրում:

Ծառատունկ Մուսալեռում

Երիտասարդները սկզբում հարգանքի  տուրք մատուցեցին Արցախյան պատերազմում զոհված մարտիկներին, ապա  սկսեցին ծառատունկը: <<Armenia tree project>>-ի կազմակերպիչները ծանոթացրին ծառ ճիշտ տնկելու կարգի հետ,  որից հետո էլ երիտասարդները խմբերով կամ զույգերով սկսեցին ծառ տնկելու գործընթացը:

Ծառատունկ Մուսալեռում

Ընկուզենիները տնկելուց ու ջրելուց հետո`  թոնրի, բաթուզի ու սանդաքի շրջակայքում տնկեցին նաև  Սոսու երեք տնկիները:

Ծառատունկի վերջում Մուսալեռ հայրենակցական Միության երիտասարդական թևի հիմնադիր ու խորհրդական Գաբրիել Փանոսյանը իր երախտիքի խոսքն հայտնեց   <<Armenia tree project>>-ի:  << Շնորհակալություն ենք հայտնում ձեզ , որ մեզ այս ձեռնարկին մասնակցելու հնարավորություն ընձեռեցիք  ու որ հատկապես հնարավորություն տվեցիք Մուսալեռ հուշահամալիրի շրջակայքւոմ տնկել Մուսալեռան խորհրդանիշ սոսին >> իր խոսքում նշեց Պրն. Փանոսյանը:

Արփինե Թիլիքյան

Մեկնաբանություններ չկան

Մուսա Լեռան հերոսամարտի 95-ամյակին նվիրված տոնախմբություն

Musaler 95

95 տարի է անցել Մուսալեռան հաղթական հերոսամարտից: Մեծ շուքով ու խանդավառությամբ այս մեծ հաղթանակը արդեն նշվել է Այնջարում, Մուսալեռում, ԱՄՆ-ի, Կանադայի, Ավստրալիայի և Եվրոպայի շատ քաղաքներում: Հերոսամարտի 95-ամյակին նվիրված հնգօրյա միջոցառումներից հետո տոնախմբությունը սկսվեց նաև Հայաստանում:
Դեռ շաբաթ երեկոյան արդեն մարդկանց մեծ բազմություն էր հավաքվել Մուսալեռան հուշարձանի շուրջ: Մինչ հարիսատանը 95 կաթսաներում եփվում էր հարիսան, խարույկի շուրջ չէին լռում Մուսալեռան թմբուկն ու զուռնան, մինչև ուշ գիշեր պար էին բռնել մուսալեռցիները և ուղղակի հուշարձան այցելուները:

Շատերը վրաններում ուրախությունը շարունակեցին մինչ առավոտ:

Harisan epvum eMusaleran tmbuknery
Shabat erekoyanVranner Musalerum

Կիրակի առավոտյան ժամը 9-ին Մուսալեռան հուշարձանի մոտ տեղի ունեցավ Սուրբ Պատարագ և հոգեհանգստի արարողություն: Ժամը 11-ին սկսվեց տոնակատարության պաշտոնական մասը: Մուսալեռան հուշարձանից 95 ամյակին նվիրված տոնախմբության հանդիսավոր բացումը կատարեց «Մուսալեռ» հայրենակցական միության երիտասարդական թևի ատենապետ Աբրահամ Բալաբանյանը: Այնուհետև ելույթ ունեցան «Մուսալեռ» հայրենակցական միության նախագահ Պերճ Ղազարյանը, ՀՀ սփյուռքի նախարար Հրանուշ Հակոբյանը, Վագֆից ժամանած Պրն. Հերգելյանը և այլ պաշտոնական անձիք:

Handisavor masPashtonakan hyurer

Այս ողջ ընթացքում հարիսատանը «Մուսալեռ» հայրենակցական միության երիտասարդական թևի անդամները տուփերի մեջ էին բաշխում արդեն պատրաստ հարիսան, իսկ հուշարձանի դիմաց հնչում էին Մուսալեռան երգերը, պարային համարներ էին կատարում տարբեր խմբեր` ելույթ ունեցան «Կարին» և «Վերադարձ» ազգագրական պարային համույթները:

Պաշտոնական մասի ավարտից հետո ներկաները թմբուկների ուղեկցությամբ այցելեցին հարիսատուն, որտեղ հանդիսավոր կերպով Սրբազանը օրհնեց հարիսան, որից հետո մատաղը բաժանվեց ժողովրդին:

HushardzanyHarisatany
Par hushardzani dimatsPar
բոլոր նկարները…

Մեկնաբանություններ չկան

Պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում

Musaleri timi erkrpaguneryFootballi verjnakhagh

Սեպտեմբերի 18-ի առավոտյան տեղի ունեցավ Մուսա լեռան հերոսամարտի 95-ամյակին նվիրված պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում: Խաղում էր նաև Մուսալեռ գյուղի թիմը: Չնայաց մուսալեռցիների բազում երկրպագուների, թիմը պարտություն կրեց` գրավելով երկրորդ հորիզոնականը:

Խաղից հետո երկու թիմերն էլ «Մուսալեռ» հայրենակցական միության կողմից ստացան հուշամեդալներ և նվերներ: Մուսալեռցիների թիմում խաղում էր նաև Վագֆ գյուղից եկած երիտասարդը` թիմի առաջին բնիկ մուսալեռցին:

Pargevner footbalistnerinPargevatrum
Vagftsi footballistyMusaleri timy

2 Մեկնաբանություն

Միջոցառում Մուսալեռ գյուղի Ֆրանց Վերֆելի անվան դպրոցում

Մուսա լեռան հորոսամարտի 95-ամյակը նշվեց նաև Մուսա լեռ գյուղի Ֆրանց Վերֆելի անվան դպրոցում: Կեսօրին դպրոց այցելեցին Մուսալեռան Վագֆ գյուղից ժամանած մուսալեռցիները և «Մուսալեռ» հայրենակցական միության վարչությունը: Հյուրերը, դպրոցի բակում արժանանալով ջերմ ընդունելության, շրջեցին դասարաններով, շփվեցին երեխաների հետ:

Dprotsi ashakertnery dimavorum en hyurerinDasasenyakum

Վագֆից ժամանած հյուրերը դպրոցի աշակերտներին գրենական պիտույքներ նվիրելուց հետո ուղևորվեցին դպրոցի դահլիճ` դիտելու Ֆրանց Վերֆելի «Մուսա լեռան 40 օրը» ներկայացումը, որը պատրաստել էին դպրոցի երեխաները: Մեծ բավականություն ստանալով ներկայացումից` իրենց կարծիքը արտահայտեցին «Մուսալեռ» հայրենակցական միության նախագահ Պերճ Ղազարյանը, Վագֆից Հակոբ Հերգելյանը և Ստամբուլի «Մուսալեռ» հայրենակցական միության նախագահ Միսակ Հերգելյանը, որից հետո հյուրերը Մուսալեռան թմբուկի ուղեկցությամբ հրաժեշտ տվեցին դպրոցին:

NerkayatsumMusa leran 40 ory
Dprotsi dahlichumSardarapat

Օրվա միջոցառումները եզրափակվեցին Սարդարապատ այցելությամբ, որտեղ բոլորը վայելեցին Սարդարապատի զանգերի ղողանջը, շրջեցին թանգարանում, իսկ բակում հնչեց Մուսա լեռան թմբուկը:

Մեկնաբանություններ չկան

Մուսալեռան հաղթական հերոսամարտի 95-ամյակ

MUSALER 95

Լրանում է Մուսալեռան հերոսամարտի 95-ամյակը: Հերոսամարտ, որը դարձավ Հայոց պատմության հերոսական բացառիկ էջերից մեկը:
Մուսալեռցիները, և առհասարակ ողջ հայ ժողովուրդը, հիշում ու հպարտանում են մուսալեռցիների անկոտրում կամքով և կատարած սխրագործություններով:

Հարգելի հայրենակիցներ,

Սիրով հրավիրում ենք ձեզ մասնակցելու Մուսալեռան հերոսամարտի 95-ամյակին նվիրված միջոցառումներին և միասին տոնելու մեր պապերի մեծ հաղթանակը:

ՄԻՋՈՑԱՌՈՒՄՆԵՐԻ ՑԱՆԿ

15 սեպտեմբեր, 2010թ.

  • Ժ. 17.30 – Այցելություն Եսայի Յաղուբյանի հուշակոթող, Շահումյանի գերեզմանատուն:
  • Ժ. 19.30 – Բանկետ «Մուսալեռ» ռեստորանում:

16 սեպտեմբեր, 2010թ.

  • Ժ. 19.00 – Հանդիսավոր երեկո «Նարեկացի» արվեստի միությունում: Մուսա լեռան և Այնջարի հին ու նոր լուսանկարների ցուցահանդեսի բացում, որը կտևի մինչև սեպտեմբերի 19-ը:
  • Ժ. 20.00 – «Մուսա լեռան 40 օրը» ֆիլմի դիտում: Երիտասարդական թևի ձեռնարկ:

17 սեպտեմբեր, 2010թ.

  • Ժ. 13.00 – Միջոցառում Մուսալեռ գյուղի Ֆրանց Վերֆելի անվան դպրոցում:

18 սեպտեմբեր, 2010թ.

  • Ժ. 11.00 – Հերոսամարտի 95-ամյակին նվիրված պատանեկան ֆուտբոլի մրցաշարի վերջնախաղ Մուսալեռ գյուղի մարզադաշտում:
  • Ժ. 19.00 – Տոնական հանդես հուշարձանի հարիսատան մոտ (երգ և պար):
  • Ժ. 21.00 – Խարույկ և շուրջպար հարիսատան մոտ:

19 սեպտեմբեր, 2010թ.

  • Ժ. 09.00 – Սուրբ Պատարագ և հոգեհանգստի արարողություն Հերոսամարտի հուշարձանի մոտ:
  • Ժ. 11.00 – Տոնակատարության հանդիսավոր մասի բացում:
  • Ժ. 13.00 – Մատաղ` հարիսայի օրհնում և բաժանում հարիսատանը:

«ՄՈւՍԱ ԼԵՌ» ՀԲՀԿ-ի վարչություն, հոբելյանական հանձնաժողով

1 Մեկնաբանություն